La fuarce de tiere al è dedicât al taramot che tra il mês di Mai e chel di Setembar dal 1976 al à scjassât il Friûl causant 990 muarts, 100 mil sfolâts, 18 mil edificis sdrumâts e 75 mil ruvinâts. Al vûl jessi il portâl par rivâ aes tantis e diferentis informazions, ae documentazion e aes ricercjis sientifichis che a son stadis realizadis e metudis adun in cincuante agns de bande des istituzions, des associazions e dai citadins singui. Di là dal taramot, e dai siei efiets, al conte la ricostruzion dal Friûl: un dai esemplis plui virtuôs di popolazion che, cul jutori di tancj, de Italie e dal forest, e je stade buine di tornâ a tirâsi sù e di tornâ a tacâ. Il portâl La fuarce de tiere lu àn realizât la Regjon Autonome Friûl-Vignesie Julie e la Universitât dal Friûl par promovi la cognossince e conservâ la memorie di une des pagjinis plui dificilis de storie dal Friûl e de Italie di îr.